政治家利用各種理由去浪費納稅人嘅金錢，並令公眾人士誤以為佢地正在挽救經濟（其實係令情況惡化）。例如1997年7月香港特區政府嘅八萬五房屋政策及 1998年8月1000億元入市打大鱷，反令香港經濟要到2003年下半年才復甦。凱恩斯認為政府刺激GDP上升，可以先聘請一批工人喺地上掘洞，然後又 聘請另一批工人去將地上嘅洞填平。今天各國政府就係忙於做呢種事── 一方面掘洞，另一方面搵人填平。政府所造成嘅資源浪費，可crowd out私人企業嘅投資，令各國經濟走上九十年代日式經濟之路。
呢 類「找工人掘洞、再搵工人填平佢」嘅方案，如果可令經濟復甦，共產主義早已超越資本主義矣。如果政府刺激經濟計劃可行，咁點解釋1990年至今日本經濟？ 咁2001年美國減息及退稅計劃及去年5月嘅退稅計劃呢？既然殊仔兩大刺激經濟計劃完全冇用，點解明年奧巴馬刺激經濟計劃會有用？今年香港特區政府提出刺 激經濟方案，結果又如何？既然施政報告中嘅刺激方案無效，咁點解派消費券可以有效？請諸君唔好再浪費納稅人嘅血汗錢喇，我地好辛苦才賺返嚟㗎！
英國首相白高敦11月24日嘅刺激方案包括降低VAT，將令英國財赤上升，不利未來英鎊滙價，形成英鎊長期弱勢。
美國奧巴馬經濟顧問古爾斯比周日提出嘅刺激方案達1萬億美元，亦只會令美國債券價格開始回落（長債息率上升）。
Thomson路透估計，11月份失去工作崗位人數達三十萬，係2001年10月後最多嘅一個月（失去三十二萬五千工作崗位）。Thomson路透估計，高潮係明年1月，將有三十四萬五千人失去工作崗位。
今 年第三季美國企業純利估計修正為負18.7％（4月1日估計升17.3％、7月1日估計升12.6％、10月1日估計負4.3％），係連續五季負增長。 11月28日止已有四百九十間企業公布業績，餘下仲有十間未公布。估計第四季純利上升13.3％（7月1日估計升59.3％、10月1日估計升 46.7％、上周估計上升16.6％），情況繼續轉壞。
曹仁超
沒有留言:
張貼留言