瑞士糖

又係瑞士糖。
香港人真係冇陰功，咁樣糟質一隻外國品牌。
過去幾年內，大大話話去過十次殯儀館，上星期又去一次，鑊鑊都係瑞士糖。
我諗瑞士糖既 marketing 要諗諗對策，點解香港人到靈堂鞠躬，家屬回贈既吉儀內總有一粒瑞士糖。
香港絕大部份殯儀館都充滿離愁別緒，甚至陰森恐怖，幾乎任可品牌都唔想同殯儀業有任何 lar lung，瑞士糖無辜辜捲入其中，可謂死唔眼閉。
廣告101：品牌聯想，brand association。
金莎朱古力令人諗起浪漫、初吻、以及愛之初體驗，因乜解瑞士糖卻令愈來愈多人諗起車頭相、破地獄、以及家屬謝禮?
最近香港有人發起人情做七折以抗議婚宴食翅，相信瑞士糖在港都有唔少 fans (包括小弟)，可否參考一下，還我瑞士糖昔日光環?